ما الفرق بين وصلة الدفاع المدني و حنفية الحريق؟

فروق كثيرهو اسمحلي اتكلم بالعاميه عشان اعرف افسرهااولا وصله الدفاع المدني دي عباره عن وصله بتكون خارج المبنى و بيكون لها فتحه بمقاس 2.5 بوصه في الغالبوطبعا بتكون متوصله على الشبكه اللي متركبه داخل المبنىو الهدف منها ان لو المياه اللي في الخزان بتاع الحريق خلصت او المضخه اتعطلت او او او انها تغذي المبنى بالمياه عن طريق توصيل خراطيم المياه الخاصه بالدفاع المدني فيها و بالتالي تشتغل الرشاشات وهي نوعين وصلات دفاع مدني للانظمه الرطبه وهي اللي بتستخدم لتغذيه شبكه الحريق بداخل المبنىووصلات للانظمه الجافهوالانظمه الجافه بالبلدي هي عباره عن محابس بتوضع على سلالم الهروب متوصله بمواسير للدور الارضي و في النهايه وصله دفاع مدنيوقت الحريق بيجيو بتوع المطافي يوصلو خراطيمهم من تحتو يطلعو في الدور اللي فيه الحريق يوصلو خراطيمهم على المحبس اللي على السلالم و يطفو الحريقده بدل ما يسحبو خرطوم من اول عربيه المطافي لحااااااااااااااااد دور الحريق اللي ممكن يكون في العاشر مثلاو ساعتها مش حينفع اجيب خرطوم و اطلع بيه من الارضي للعاشر اما حنفيات الحريق عكسها تقريبايعني بتكون مصدر للمياه بالنسبه لرجال المطافي و دايما بتكون في الموقع العام او في ساحات انتظار السيارات و للي ميعرفش شكلها كانت بتيجي في افلام الكارتون للي كان بيتابع توم و جيري و الكلام ده اللي هي لونها احمر وموجوده في الشارع و لما تتكسر تطلع ميه في الهواماعلينا طبعا كلنا عارفين شكلهاوساعه ما بيكون في حريق في المواقع العامه او عربيات المطافي خلصت منها المياه كالمعتاد و حبو يساعدو في الاطفاء بيستخدموها و يوصلو عليها خراطيمهم و يستخدموها زي مضخه حريق