ماهي المعادن النبيله ولماذا سميت بهذا الاسم وهل قيمتها الفنيه اعلى من بقية الخامات الطبيعيه في النحت ؟

كل خامه في النحت لها رونقها وجمالها وطبيعتها ومميزاتها وشخصيتها الحديد غير النحاش غير الدهب غير البرونز غير الخشب غير الجبس غير البوليستر غير الفخار غير الازاز شطارة النحات انه يستغل شخصيه الخامه يظهرها بشخصيتها لان شخصيه الخامه بتدي قوة للعمل يعني مش شطارة اني اجيب بويه وادهن بيها خامه الخشب فتفقد شخصيتها ولا شطارة اني اخلي البوليستر شبه الرخام مش شطاره كل خامه لها ميزة وجمال النحات الذكي هو الي يفهم نقط ضعف وقوة كل خامه ويتعامل معاها علي اساس نقط جمالها ويعمل حسابه في تصميمه ان نقط  ضعفها تكون محسوبه كويس ويحول نقط الضعف دي لقوة يعني مثلا الحديد بيبقي خرده وعروق بتتني وتتشكل وتتلحم ايه الشطارة هنا اني اعمل تصميم فيه حاجات طايرة ورفيعه واستغل الخامه بجماليتها الحجر العكس بشتغل فيه بالصاروخ والاجزاء الرفيعه في تتكسر يبقي لاز اعمل تصميم في كتله وارتكاز وتوازن زي ما قال انجلو لو اتحدف من فوق جبل ما ينكسرش من اي جزء بس ده الفرق بين الخامات ومافيش حاجه اسمها خامه نبيله وخامه مديحه كل الخامات النحتية بتتوظف في حتت نحت مختلفه حسب التصميم وطبيعه الخامه :)